Народные песни крымских татар

В этой теме выкладываем народные песни

ЁСМАМ (Вариант 1)

Башынъдаки чемберинъ, ёсмам,
Сачынъы багълар, сарар.
Бир кунь сени корьмесем, ёсмам,
Козьлерим агълар, арар.

Кель, эйлеме, кель яныма,
Отур яныма.
Сенден гъайры теселли ёкъ,
Махзюн джаныма.

Башынъа чемберинъи, ёсмам,
Мен багъласам, олмазмы?
Ананъ севдиги къадар, ёсмам,
Мен де севсем, олмазмы?

Кель, эйлеме, кель сёзюме,
Отур тизиме.
Козьлеринъден нур сачылсын,
Солгъун юзюме.

Чемберинъден бир тюс вер, ёсмам,
Охшасын пармакъларым.
Бир кунь козюнъни тутар, ёсмам,
Меним ялвармакъларым.

Дарылма, кель, кель яныма,
Муаббет артсын.
Даргъынлыкълар, бозгъунлыкълар,
Дерьяя батсын.

Гонъюль севдалыкъ арар, ёсмам,
Севдалыкътан не зарар?
Гузеллери олмаса, ёсмам,
Бy дюнья неге ярар?

Ал башынъдан чсмберинъни,
Бенъзинъ ачылсын.
Козьлеримден козьлеринъе
Алев сачылсын.

P.S. Замечания пишите в личку.

ЁСМАМ (вариант 2)

Алчакълара къарлар ягъды, ёсмам,
Иримез олды.
Кетти ярем узакълара, ёсмам,
Корюльмез олды.

Геми гидер дерьядан, ёсмам,
Мен гидерим къарадан.
Башкьа севданъ вар исе, ёсмам,
Мен чыкъайым арадан.

Айная бакъ, айная, ёсмам,
Не гузельднр айналар.
Сенсиз манъа арамдыр, ёсмам,
Бу яланджы дюньялар.

Айналыдыр тюфегим, ёсмам,
Яралыдыр юрегим.
Нерде къалды, кельмеди, ёсмам,
О меним севдигим.

Атма мени, урма мени, ёсмам,
Языкътыр манъа..
Мартининънинъ къуршынларын, ёсмам,
Сакъла душмана.

Джевнзинъ къабугъындан, ёсмам,
Эллерим къаралыдыр.
Эй къыз, сенинъ ашкъынъдан, ёсмам,
Юрегим яралыдыр.

Кестанедир, кестане, ёсмам,
Эвинъ багъламалары.
Юрегиме дерт олур, ёсмам,
Сенинъ агъламаларынъ.

Юдже дагъ башында, ёсмам,
Къар эксик олмаз.
Севдаларнынъ юрегинде, ёсмам,
Гъам эксик олмаз.

Кемане чала- чала, ёсмам,
Агъырды пармакъларым.
Эй, къыз, козюнъни тутар,
Меним ялвармакъларым.

Не турасынъ узакъ, ёсмам,
Кельсене яныма,
Меракъ- меракъ бакьышынъ, ёсмам,
Етти джаныма.

Айды гиделим, айды, ёсмам,
Гнделим дурмаялым.
Козьден иракъ олдыкъча, ёсмам,
Гонъюьден олмаялым.

Телеграфынъ теллерине, ёсмам,
Къушлармы къонар.
Эр ким севдигине, ёсмам,
Бойлеми янар?

Алчакълара къарлар ягъды, ёсмам,
Ушюмединъми?
Айрылыгъы, асретлиги, ёсмам,
Тюшюнмединъми?

Форум